About us

LIANDO AUTO WORKS hi kum 1971 August ni 03 khan Zofate zinga Automobile Engineer hmasa ber Pu R. Tlanghmingthanga, Pastor Liandova fapa-in a din a ni a. A hming hi a u R. Zaithangi phuah a ni.

Pathian hruaina zarah Customer-te duhsakna dawngin vawiin thleng hian bahlah hauh lovin a la kal chho zel a.  Mizorama Motor Workshop zinga upa ber niin kan hria! Min hruaitu Isua Krista, Pathian engkimtitheia hnenah lawmthu awm rawh se.

A tirah Chanmari veng-ah in bunin Republic vengah sawn leh a ni a. Motor chi hrang hrang siamna Workshop niin Republic veng-a kan awmna hmun chu Pathian Biakna In atan an hman duh tak avangin Zemabawkah kan in sawn phei leh a, heta ṭang hian Light Vehicle leh Medium & Heavy Vehicle chu inṭhen a lo ngai ta a. Kunga Auto Works tiin Light Vehicle chu an in dang ta a ni.

Zemabawk veng hmawr, Industries Square hmunah va awmin hmun fianrial tak ni mah se Customer ten min zui zel a. A tira veng khawhar tak kha tunah chuan veng hu-lum tak a lo ni ta a. Workshop ringawt pawh engemaw zat awm tawhin Workshop veng tih hial a lo ni ta!!!!

Kum 2008 khan Ashok Leyland Company chuan thawhpui atan min rawn sawm a. Company dan leh inkaihhruainate zawm chho zelin kum 2010 ah Ashok Leyland Authorised Service Centre ni turin hawn a ni a. Kum 2015 chuan Ashok Leyland Authorised Dealer atan hawn a lo ni leh ta a ni.

Ashok Leyland Motor hi Khawvel huap pawh Motor ṭha leh eizawn nana hmangte tan innghahna tlak  a nih mai bakah Mizo mipuiten duhthlan tur nei hauh lova Motor Company pakhat chauh dawr tur kan neih avanga Customer-te dikna chanvo nasa taka sumdawngten min rahbeh sakna chu umbo a nih theih nan Ashok Leyland Company hi zawm kan ni ber zawk a ni.

Ashok Leyland chhungkua kan nih hnu hian Motor leina tur pawisa la lawka rei tak tak Motor nghah ngai ang chi kha a bo ta a. Loan-a motor leiten Motor thlen hmaa Loan an lo rul lawk  ṭau ṭau ṭhin chu a tlem ta hle bawk. Heng bakah kan la tawn ngai loh Customer ten harsatna an tawhin After Sales Service ṭhatah Motor Dealer-te kan in el ta bawk hi Liando Auto Works chhungkuate min ti hlimtu a ni e.

Kan Service leh hnathawh danah min duhsaka min dawrtute duhthu kan sam lovang tih kan ring a, mi tam tak rilru phei chu kan lo tina palh tawh ngei ang tih kan ring bawk a. Hmangaih taka min dawrtute duhthu kan sam lohna leh rilru kan tih natna zawng zawngah ngaihdam kan dil tak meuh a.

Kan hma lam hun kal zel turah in mi duhsakna hma chhuana theihtawp chhuah zel kan tum a. Min finchhuah a, thurawnte min pe zel turin kan sawm che u a ni.

Pathianin malsawm che u rawh se.

David R. Lalsawmtluanga
Proprietor
Liando Auto Works